Тюбинская сельская модельная библиотека

Түбэ нэһилиэгин бэтэрээннэрин Сэбиэтэ (сал. М.П.Сивцева), «Айхал» НАдь коллектива (дир. Д.П.Попова), олохтоох модельнай библиотека (сэб. П.А.Шестакова), нэһилиэк балаҕана (эпп. А.И.Куприянова) бары кыттыһан Аҕам саастаахтар декадаларын чэрчитинэн алтынньы ый 4 күнүгэр ыалыы сытар Хатырык нэһилиэгиттэн 13 ыалдьыты үөрэ-көтө көрүстүбүт. Биһиги нэһилиэктэн 16, тэрийээччилэрдиин уопсайа 32 буолан бу күнү бэлиэтээтибит. Тэрээһини Хатырык нэһилиэгин култууратын дьиэтин дириэктэрэ Елена Владимировна Ефремова — Сэбэрэкэ Сандаарыйа Куо Алтай кыыҺа алгыһынан арыйда. Ытыктыыр дьоммутун баһылыкпыт Григорий Викторович Гуляев эҕэрдэлээтэ, оскуола оҕолоро истиҥ үҥкүүнү бэлэхтээтилэр (сал. Н.В.Уодай), “Түбэчээнэ” иитиллээччитэ, 4 саастаах Мия Сивцева “Эбээ” диэн хоһоонунан, 3-с кылаас үөрэнээччитэ Арчын Григорьев “Мин саха уолабын” диэн ырыатынан ыалдьыттары сөхтөрдүлэр. Олохтоох модельнай библиотека Улуу Кыайыы 80 сылыгар аналлаах «Кыайыы суолунан айан» квиз-оонньууну остуолларынан ыытта. Манна «Үһүс остуол» (хам. Е.В.Ефремова) уонна “Сулус” (хам. В.В.Абашева) хамаандалара 1 м, «Төрдүс остуол» (хам. А.Л.Егоров) 2 м., “Көмүс саастар” (хам. С.И.Константинова) 3 м. буолан добун суруктарынан наҕараадаланнылар.
Кыайыыга сөп түбэһиннэрэн, бу үөрүүлээх күҥҥэ Мария Алексеевна Охлопкова аатынан Хатырык модельнай библиотекатын библиотекэрэ Любовь Ивановна Васильева Түбэ олохтоох дьаһалтатыгар уонна модельнай библиотекатыгар буруолуу сылдьар, сэрии ыар сылларын эттэринэн-хааннарынан билбит аҕам саастаахтар “Оонньооботох оҕо саас” диэн ахтыыларын кинигэтин бэлэх уунан долгутта.
Эрдэттэн этиллибитин курдук Ретро муодаҕа, бэйэ илиитинэн оҥоһуллубут брошь күрэҕэр бары да бэлэмнэнэн, симэнэн кэлбиттэр. Ретро, былыргы таҥас-сап муодатыгар:
1 миэстэни Светлана Иннокентьевна, Егор Егорович Константиновтар (Түбэ),
2 миэстэни Раиса Аркадьевна Охлопкова (Хатырык),
3 миэстэни Ольга Георгиевна Аргунова (Хатырык),
Бэйэ илиитинэн брошь күрэҕэр:
1 миэстэни Галина Кирилловна Куличкина (Түбэ),
2 миэстэни Аксинья Афанасьевна Ноговицына (Хатырык),
3 миэстэни Анастасия Егоровна Дьяконова (Түбэ) ыланнар сэмэй бэлэхтэринэн, добун суруктарынан наҕараадаланнылар.
Биэчэри «Айхал» НАдь дириэктэрэ Д.П.Попова иилээн-саҕалаан ыытта, коллектив элбэх араас оонньуулары оонньотто. Кэлбит дьон бары дуоһуйа кэпсэтэн, бэйэ-бэйэни эҕэрдэлэһэн, ыллаан-туойан, үҥкүүлээн бэрт сэргэхтик биэчэри атаардылар, дуоһуйа сынньанан, астынан тарҕастылар. Ыҥырыы ыыппыт Марина Петровна Сивцеваҕа, нэһилиэк балаҕанын хаһаайкатыгар Александра Иннокентьевна Куприяноваҕа, кулууп, библиотека үлэһиттэригэр барҕа махтал тылларын тиэртилэр.