Тюбинская сельская модельная библиотека

Балаҕан ыйын 27 күнүн, Судаарыстыбаннас күнүн Саха сирэ барыта бэлиэтээтэ. Ол иһигэр, биһиги Түбэбит нэһилиэгэр олохтоох модельнай библиотека уонна «Айхал» НАДь кыттыһан, дьоммутугар-сэргэбитигэр бэрт интэриэһинэй, сэргэх оонньууну оонньоттубут. Күммүт үөрүүлээх арыллыытын «Айхал” СК быйыл саҥа үлэлии кэлбит, эдэркээн художественнай салайааччы Нарыйаана Вячеславовна иилээн-саҕалаан ыытта. Бас-көс киһибитин, баһылыгы солбуйааччы Юриан Денисович Федоров эҕэрдэ тылынан уруйдаата. Киэн туттар, ытыктыыр, убаастыыр Розалия Егоровнабыт бу күн туох суолталааҕын, хас биирдии бэйэбит Саха сирэ сайдарын туһугар кылааппытын киллэриэхтээхпитин, үүнэ-сайда, чэчирии туруохтаахпытын бигэтик өйдөттө. Ол кэннэ 4 хамаандаҕа арахсан, түһүмэхтэринэн оонньуу ыыттыбыт. “Түбэ инники кэскиллэрэ” оскуола оҕолорун, «Түбэчээнэ» эдэр ыччат, “Далбарай” орто көлүөнэ уонна “Ситим” аҕам саастаахтар хамаандалара 5 түһүмэҕинэн эрбии тииһин курдук кииристилэр. Ол курдук, “Саха сирин төһө билэҕин?” гербэни таайыы (Д.П.Попова), “Киэн туттар биллиилээх дьоммут” салайааччылары харахтарынан таайыы (Л.С.Григорьева), “Төһө бэркэ билэҕин?” боппуруостарга эппиэттээһин (Н.В.Уодай), “Мин дьөһөгөй оҕотобун” ат сүүрдүүтүгэр күрэхтэһии (Айтыына Уруйдаах), “Тыл хонуута” бэриллибит буукубаларынан тыллары таһаарыы (П.А.Шестакова) ыыттылар. Хамаандалар бириэмэҕэ уонна хаачыстыбаҕа кииристилэр. Түмүккэ «Ситим» аҕам саастаахтар – 1 м., “Далбарай” орто көлүөнэ – 2 м., «Түбэ инники кэскиллэрэ» оскуола оҕолоро – 3 м. ылары ситистилэр. Кыайыылаахтар добун суругунан, анал бириистэринэн наҕараадаланнылар. Бу сырыыга оонньуу формата уларыйан олус интэриэһинэй тэрээһин буолан ааспытын олохтоохтор бэлиэтээтилэр.