Тюбинская сельская модельная библиотека

Муус устар 12 күнэ — космонавтика күнэ. Быйыл, 2026 сыллаахха, космоска аан маҥнай киһи көтөн тиийбитэ 65 сыла буолла. Ол чэрчитинэн, олохтоох библиотекаҕа 1, 3 кылаас оҕолоругар тематическай уруок уонна «Космо-квиз» оонньуу ыытылынна. Оҕолор элбэх саҥаны биллилэр, араас интэриэһинэй факталары иһиттилэр, видеолары көрдүлэр. Ол курдук, астрономия диэн тугун, Константин Циолковскай, Сергей Королев, маҥнайгы космонавтар, дьахтар космонавт, бастакы спутник туһунан элбэҕи биллилэр. Саха сиригэр Валерий Федорович Быковскай кэлэ сылдьыбытын туһунан бэркэ сэргээн көрдүлэр. Бу материалы М.Е. Охлопкова аатынан Түбэ орто оскуолата устубута. Ол кэннэ 3 түһүмэхтээх квиз оонньууга билиилэрин тургутан көрдүлэр. Хас биирдии сөп эппиэккэ талоннар туттарылыннылар кыайыылаахтар, кыттааччылар минньигэс бирииһинэн наҕараадаланнылар.